Trupat ruse kanë vrarë një gazetar të New York Times në Irpen, ndërsa një tjetër mbeti i plagosur, tha shefi i policisë në rajonin e Kievit, Andriy Nebitov.
Viktimë e sulmeve ka mbetur gazetari Brent Renaud.
“Pushtuesit vrasin në mënyrë cinike edhe gazetarë të mediave ndërkombëtare që po përpiqen të tregojnë të vërtetën për mizoritë e trupave ruse në Ukrainë. Sot, një korrespondent 51-vjeçar i medias me famë botërore Neë York Times u qëllua për vdekje në Irpen. Një tjetër gazetari është plagosur. Aktualisht po tentojnë ta nxjerrin viktimën nga zona e luftimit”, ka shkruar Nebitov në Facebook.
