Presidenti i Shteteve të Bashkuara Donald Trump zhvilloi një vizitë surprize këtë të mërkurë në Irak pranë forcave ushtarake amerikane. Kjo është vizita e parë që u bëhet trupave amerikane nga presidenti Trump. Ai mbërriti në Irak, në bazën ajrore Al-Asad, i shoqëruar nga bashkëshortja e tij Melania.
Kreu i shtetit amerikan bisedoi me ushtarët dhe me udhëheqësit e tyre. Shtëpia e Bardhë, e quajti këtë vizitë surprize një dhuratë për krishtlindje. Qëllimi i vizitës është një falenderim për të gjithë personelin ushtarak për kontributin dhe sakrificat e tyre, si dhe për tu uruar krishtlindjet.
