Një ngjarje e rëndë është regjistruar mengjesin e kësaj të hëne në Pukë, ku burrë e grua kanë gjetur vdekjen si pasojë e një zjarri të rënë në banesën e tyre.
Petrit dhe Dava Ndoj, 40 dhe 35 vjeç u dogjën në banesën e tyre në lagjen ‘Va Shënkoll’ të fshatit Breg.
Ngjarja është regjistruar rreth orës 02:00 të mëngjesit të kësaj të hëne ndërsa në banesë ishin dhe katër fëmijët e çiftit si dhe gjyshrit.
Mësohet se fëmijët kanë arritur të mbijetojnë pasi janë hedhur nga kati dytë I banesës. Po ashtu ata kanë mundur të shpëtojnë dhe dy gjyshërit e tyre.
Trupat e pajetë të çiftit të bashkëshortëve u gjetën pranë njëri-tjetrit teksa kishin tentuar të dilnin nga dhoma.
Ende nuk dihet shkaku I zjarrit, ndërsa në vendngjarje kanë mbërritur forcat zjarrëfikëse.