Trembëdhjetë minatorë kanë vdekur dhe deri në dhjetë janë plagosur pas djegies së metanit që u pasua me një shpërthim në një minierë në lindje të Republikës Çeke.
Lajmin e konfirmoi një zëdhënës i kompanisë minerare OKD.
“Në total kemi 13 minatorë të vdekur, 11 polakë dhe dy çeke”, tha një zëdhënës i kompanisë minerare OKD.
Incidenti ndodhi në minierën e CSM në qytetin e Karvinës, rreth 300 km në lindje të Pragës pasditen e të enjtes.
“Shpërthimi në minierën e CSM është një tragjedi e madhe”, shkroi kryeministri çek Andrej Babis, i cili do të udhëtojë në këtë zonë së bashku me homologun polak Mateusz Morawiecki.
Zëdhënësi i OKD tha gjithashtu se minatorët e vdekur polakë ishin nga kompania minerare Alpex me seli në Poloni.
Mediat çeke thanë se aksidenti ndodhi në një thellësi prej 880 metrash.
OKD, që drejton minierën, kontrollohet nga shteti çek dhe kishte si synim që të nxirrte pesë milionë ton qymyr këtë vit
