Forcat e Komandës Qendrore të Shteteve të Bashkuara (CENTCOM) kanë njoftuar se kanë zhvilluar një operacion të ri ushtarak në Iran, duke goditur më shumë se 80 objektiva strategjikë me armë precize.
Sipas deklaratës së CENTCOM, sulmet u ndërmorën si kundërpërgjigje ndaj incidenteve të fundit në Ngushticën e Hormuzit, ku Uashingtoni akuzon Teheranin për sulme ndaj anijeve tregtare dhe për shkelje të armëpushimit.
Autoritetet amerikane bëjnë të ditur se në shënjestër të operacionit ishin sisteme të mbrojtjes ajrore, qendra komande dhe kontrolli, radarë bregdetarë, pozicione për lëshimin e raketave kundër anijeve, si dhe mbi 60 mjete të vogla detare të Korpusit të Gardës Revolucionare Islamike (IRGC), të vendosura në dhe rreth Ngushticës së Hormuzit.
BREAKING 🔴
U.S. military:
“U.S. Central Command (CENTCOM) forces completed a new round of offensive strikes against Iran, July 7, hitting over 80 targets with precision munitions as an immediate response to Iran’s latest attacks on commercial vessels transiting the Strait of… pic.twitter.com/9hw6SH0Q5x
— Indian🇮🇳 (@singh31919) July 8, 2026
Sipas Pentagonit, qëllimi i operacionit ishte dobësimi i kapaciteteve ushtarake të Iranit për të kërcënuar lundrimin ndërkombëtar në Ngushticën e Hormuzit, një prej korridoreve më të rëndësishme për transportin global të naftës.
Deri tani, autoritetet iraniane nuk kanë reaguar zyrtarisht ndaj njoftimit të SHBA-së. Ndërkohë, tensionet në rajon vijojnë të mbeten të larta, mes shqetësimeve se përplasja mes dy vendeve mund të përshkallëzohet më tej
/vizionplus.tv
