Vendi ynë gjatë ditës së sotme do të ndikohet nga kushte atmosferike relativisht të paqëndrueshme.
Sipas parashikimit, moti do të karakterizohet nga kthjellime përgjatë vijës bregdetare, ndërsa në pjesën tjetër të territorit pritet zhvillim i vranësirave nga mesdita deri në orët e pasdites.
Temperaturat maksimale do të arrijnë deri në 33°C në Tiranë, Elbasan dhe Berat, ndërsa 32°C në Lezhë, Durrës, Vlorë dhe Sarandë.
Gjatë orëve të pasdites priten reshje lokale shiu me intensitet të ulët në zonat malore. Në rajonin e Alpeve, reshjet mund të marrin formën e shtrëngatave afatshkurtra.
Era do të fryjë me drejtim kryesor veriperëndim–jugperëndim, me shpejtësi mesatare rreth 7 m/s, ndërsa herë pas here përgjatë vijës bregdetare dhe në zonat luginore do të arrijë deri në 10 m/s.
Në detin Adriatik dhe në detin Jon, valëzimi parashikohet të jetë i forcës 1–2 ballë.
/vizionplus.tv
