Ish-deputeti i Partisë Socialiste Enver Reçi ka rrëfyer në studion e QUO VADIS momentet e para të angazhimit të tij në Partinë Socialiste, pas largimit nga Partia e Punës.
Ai kujtoi edhe periudhën kur u largua nga drejtimi i Ndërmarrjes Energjetike të Tiranës pas zbatimit të “Nenit 24”.
Pjesë nga biseda:
Borakaj: Si ishte kalimi, vajtja juaj tek Partia Socialiste?
Enver Reçi: Unë kam qenë anëtarë i Partisë së Punës. Kur u themelua PS-ja, kam qenë drejtor i Ndërmarrjes Energjetike të Tiranës. Ndërmarrja fillonte e mbaronte në Mirditë. Kishte gjithë nënstacionet, linjat e tensionit të lartë, hidrocentralin e Lanabregasit lart, fabrikën e briketit në Kombinat dhe TEC-in e Kombinatit, me shumë probleme e shumë halle. Sidomos TEC-i, i cili ishte ndërtuar që në vitet ’50 dhe ishte amortizuar në një farë feje që ne e dinim se si e mbanim në punë, vetëm për të mbajtur në punë punëtorët e Tekstilit dhe të ‘Misto Mames’. Dhe duhet të shkoja, domethënë, në Partinë Socialiste se atje më takonte të shkoja. Me ‘Nenin 24’ më hoqën nga puna. Isha drejtor, erdhi ‘Neni 24’. Po një shoku im, që e mbaja afër e që më vinte mbrapa e më thoshte ‘shoku Ramiz, shoku Ramiz’, ai u bë drejtor. Dhe unë shkova te Partia Socialiste.
/vizionplus.tv
