Një tërmet me magnitudë 7.5 ballë të shkallës Rihter ka goditur një zonë në brigjet verilindore të Japonisë, sipas raportimeve të Autoritetit Meteorologjik Japonez.
Tërmeti është regjistruar në një thellësi prej 10 kilometrash dhe ka shkaktuar alarm të menjëhershëm për rrezik cunami. Sipas autoriteteve, valë cunami deri në 3 metra mund të godasin prefekturën Iwate në ishullin Honshu dhe disa zona të Hokkaidos.
Autoritetet japoneze kanë bërë thirrje urgjente për evakuim të menjëhershëm të zonave bregdetare, duke i kërkuar qytetarëve të zhvendosen në zona më të sigurta si kodra apo ndërtesa të forta. Po ashtu, paralajmërohet se valët e cunamit mund të përsëriten disa herë dhe qytetarët duhet të qëndrojnë në vende të sigurta deri në njoftim të mëtejshëm.
【津波警報】
沖合で津波が観測
このあと沿岸にも押し寄せます
急いで逃げてくださいhttps://t.co/sagE7CVtJI pic.twitter.com/nsnqwUeEwf— NHKニュース (@nhk_news) April 20, 2026
Tërmeti është ndjerë edhe në Tokio, ndërsa disa linja transporti, përfshirë trenin e shpejtësisë së lartë Tokio–Aomori, kanë pezulluar përkohësisht funksionimin.
Autoritetet vijojnë monitorimin e situatës, ndërsa ekziston rrezik për dëme të mëtejshme.
‼🌊TSUNAMI ALERT
Following the #earthquake (#地震) M7.3 occurred 127 km SE of #Hachinohe (#Japan) 10 min ago (local time 16:52:59). Move away from the coast and reach a higher place. Follow national authorities’ directives. Updates at the links provided below👇 pic.twitter.com/a79j1Srobu— EMSC (@LastQuake) April 20, 2026
