Një shkëmbim zjarri në Sinaloa të Meksikës la të vdekur të paktën 18 persona. Ata dyshohet se ishin si anëtarë të një karteli droge, tha të martën ministria e Mbrojtjes e Meksikës, ndërsa konflikti brenda një prej organizatave më të forta të botës së krimit në të gjithë vendin po intensifikohet.
Më shumë se 30 persona të armatosur hapën zjarr ndaj ushtarëve, sipas një njoftimi për shtyp nga ministria. Sipas të njëjtit burim, disa nga banditë u arratisën pasi ushtarët iu përgjigjën zjarrit.
Një person arriti të arrestohej.
Ai është identifikuar si Edwin Antonio “N.” Ai përshkruhet si një udhëheqës i fraksionit lokal të kartelit Sinaloa që betohet për besnikëri ndaj bashkëthemeluesit të tij famëkeq Ismael “El Mayo” Sabada.
U sekuestruan shtatë automjete, afro 30 armë, përfshirë mitralozë, municione, jelek antiplumb dhe helmeta.
Dhuna është përshkallëzuar në shtetin perëndimor të Oqeanit Paqësor, Sinaloa, që nga fundi i korrikut, kur Sabada u arrestua nga autoritetet amerikane pasi u dërgua me avion në SHBA pranë qytetit El Paso, Teksas.
“Mayo”, 76 vjeç, një veteran i krimit të paligjshëm dhe të organizuar, akuzon një nga djemtë e bashkëthemeluesit të kartelit Joaquin “El Chapo” Guzman se e tradhtoi, e rrëmbeu dhe ia dorëzoi autoriteteve amerikane.
Konflikti midis anëtarëve të kartelit që betohen për besnikëri ndaj Mayo nga njëra anë dhe djemve të Chapos nga ana tjetër, të ashtuquajturit ” chapitos “, ka marrë jetën e të paktën 200 personave, ndërsa më shumë se 300 të tjerë rezultojnë të zhdukur./vizionplus.tv
