Shtetet e Bashkuara të Amerikës do të ndihmojnë Shqipërinë me 5.5 milionë dollarë.
Kjo shumë do të shkojë për ngritjen e Akademisë Amerikano-Shqiptare të Transparencës, njoftoi ambasada amerikane në vendin tonë.
Akademia do të shërbejë për të qenë transparencë për fondet publike, donacionet për rindërtimin pas tërmetit dhe një mbështetje për reformën në drejtësi.
“Shtetet e Bashkuara njoftojnë me kënaqësi një ndihmë tjetër zhvillimi për Shqipërinë, në shumën 5.5 milionë dollarë, për ngritjen e Akademisë Amerikano-Shqiptare të Transparencës (USATA). Kjo Akademi do të rrisë transparencën dhe integritetin e qeverisë dhe të institucioneve publike e private, si dhe do të mbështesë reformën në drejtësi. Akademia do të ndihmojë gjithashtu Qeverinë e Shqipërisë të menaxhojë donacionet e marra për rimëkëmbjen nga tërmeti, si dhe fondet e tjera publike, në një mënyrë transparente dhe të përgjegjshme që do të jetë në dobi të atyre që kanë më shumë nevojë. Kjo ndihmë është pjesë e kontributit mbi 700 milionë dollarë të Shteteve te Bashkuara për Shqipërinë në 20 vitet e fundit”, shkroi ambasada në “Facebook”.
