Planeti Tokë përjetoi muajin e 11 në radhë me temperatura të ngrohta që kanë thyer rekord në histori, sipas një studimi nga shkencëtarët.
Muaji Prill që lamë pas shënoi temperatura jashtëzakonisht të larta për stinën e pranverës, thonë shkencëtarët, sipas raportit mujor për klimën nga Copernicus, shërbimi evropian për ndryshimet klimatike, i cili u publikua të martën.
Muaji që lamë pas solli një temperaturë mesatare të ajrit prej 15.03 gradësh Celsius, nivel ky më i lartë se mesatarja e 1991-2020 për prillin. Sipas raportit, temperaturat globale të sipërfaqes së detit në shumicën e oqeaneve të botës mbetën në nivele jashtëzakonisht të larta në prill 2024.
Në total, nga maji i vitit të kaluar deri në prillin e këtij viti ka qenë 12 mujori më i ngrohtë i matur ndonjëherë. Objektivat e Marrëveshjes së Parisit synojnë të kufizojnë ngrohjen globale në 1.5 gradë Celsius mbi nivelet para-industriale.
Sipas studimit, edhe temperaturat globale të sipërfaqes së detit në shumicën e oqeaneve të botës mbetën në nivele jashtëzakonisht të larta. Raporti vjen në kohën kur Shtetet e Bashkuara po përgatiten për një vapë përvëluese këtë verë.
Raporti vjen ndërsa SHBA përgatitet për një të nxeht të pamëshirshëm këtë verë. Të dhënat e fundit të Administratës Kombëtare Oqeanike dhe Atmosferike flasin për temperatura mbi mesataren për pjesën më të madhe të vendit në periudhën ndërmjet muajit qershor dhe gusht.
Hera e fundit që Toka regjistroi një vit më të ftohtë se mesatarja ishte në 1976, që do të thotë gati gjysmë shekulli më parë./vizionplus.tv/
