Ministrja e Arsimit, Besa Shahini ka bërë me dije këtë të mërkurë se skema e librave falas është zgjeruar.
Përmes një postimi në “Facebook”, Shahini tha se Këshilli i Ministrave ka miratuar sot propozimin e Ministrisë për të mbuluar më libra falas të gjithë nxënësit që vijnë nga situata të brishta socio-ekonomike deri në klasën e 12-të.
Po ashtu, përfitues janë edhe nxënësit e komunitetit rom, egjiptianë, me aftësi të kufizua dhe ata që vijnë nga familje që marrin asistencë sociale.
“Sapo u miratua në Këshillin e Ministrave propozimi i Ministria e Arsimit, Sportit dhe Rinisë për të mbuluar me #librafalas të gjithë nxënësit që vijnë nga situata të brishta socio-ekonomike deri në klasën e 12-të. Nxënësit romë dhe egjiptianë, sikurse nxënësit me aftësi të kufizuara apo nxënësit përfitues të asistencës sociale – grupe tashmë të përfshira ne skemën e librave falas – kanë një rrezikshmëri më të lartë të braktisjes së shkollës së mesme. Kjo na brengos akoma më shumë tani që gjendemi në situatë pandemie.
Sipas saj, përmes këtij vendimi, do të ulet më tej kostoja e familjeve për shkollimin e fëmijëve të tyre, ndërsa shprehet se do të përmirësohet qasja e nxënësve në arsim.
“Kësaj skeme përfituese i shtohen të gjithë nxënësit e klasave të 6-ta dhe 7-ta duke arritur në 250 mijë numrin e nxënësve përfitues (të gjithë nxënësit e klasave 1-7 dhe të gjithë nxënësit e kategorive të veçanta deri në klasë të 12-të). Përkundër presionit të tërmetit të 26 nëntorit dhe pandemisë COVID-19 që rëndon mbi buxhetin publik, politikat që sigurojnë #gjithëpërfshirje në arsim i kemi mbrojtur dhe do t’i mbrojmë gjithmonë. #LibraFalas #Gjithëpërfshirje”
