Vendimi për të bojkotuar seancat plenare nuk ka kaluar pa debate në grupin e deputetëve demokratë.
Te dielën në mbremje, para seancës plenare të 13 korrikut, Gazment Bardhi u ka derguar deputeteve nje mesazh në grupin që ata kanë në ëhats up per t’i njoftuar se Partia Demokratike nuk do të marrë pjesë në punimet e parlamentit.
Njoftimi është shoqëruar më kritika, nga deputetët të cilët kanë kërkuar që opozita të jetë në seancën ku do të raportonin institucionet e pavarura.
Mes kritikëve kanë qenë; Bujar Leskaj, Ina Zhupa, e Jorida Tabaku, të cilët kanë kërkuar që opozita të shkojë në parlament.
Jorida Tabaku ka shkruar ne grupin e deputeteve, se mospjesëmarrja i heq opozitës të vetmen platfromë publike për debat.
Bujar Leskaj gjithashtu shkroi se bojkoti është gabim. Leskaj e postoi qëndrimin e tij edhe në rrjetet sociale.
“Bojkoti i djeshëm nga Partia Demokratike i seancës plenare të Kuvendit ishte një gabim politik dhe institucional. Ne duhej ta shfrytëzonim foltoren e Kuvendit për të përballur sektin Rama në qeverisje me argumenta, pyetje dhe kritika, por zgjodhëm mungesën, bojkotin.”, shkruan Leskaj ne mesazhin e tij në Facebook.
Kritika ka pasur edhe Partia e Lirisë, dhe Erisa Xhixho ka kërkuar edhe koordinim mes tyre për vendimet që lidhen me parlamentin.
PD ka vendosur të mos shkojë në seancat plenare derisa të futen në rendin e ditës propozimet e saj për shfuqizimin e ligjit për “Investimet Strategjike” e “Paketës së Maleve”. Gjithashtu PD kërkon që të anulohen ndryshimet në ligjin “Për Zonat e Mbrojtura” dhe “Trashëgiminë Kulturore”.
