Qytetarët e Rumanisë po votojnë edhe sot në një referendum 2 ditor ku shtrohet pyetja nëse janë pro ose kundër ripërkufizimit të martesës mes një burri dhe një gruaje dhe jo midis dy bashkëshortëve, siç parashikohet aktualisht në kushtetutë.
Sipas kritikëve, një ndryshim në formulim në kushtetutë do ta bënte pothuajse të pamundur martesën mes së njëjtit seks në të ardhmen. Sipas ligjit rumun, martesa mes personave të të njëjtit seks është e ndaluar. Ata këmbëngulin se ndryshimi në kushtetutë do ta ushqejë edhe më shumë homofobinë.
Megjithatë, shumë mendojnë se ky referendum po bëhet me qëllim shpërqendrimin e qytetarëve pasi social-demokratët qeverisin ne Rumani akuzohen për shpërdorim detyre.
Nga ana tjetër, referendumi duket se ka alarmuar Brukselin dhe zëvendës shefi i Komisionit Evropian, Frans Timmermans i ka kujtuar Bukureshtit angazhimet e ndërmarra për të drejtat e njeriut.
Por votimi dy-ditor për ndryshimin e kushtetutës shihet nga mbështetësit e referendumit si një mënyrë për të mbrojtur statusin e familjes “tradicionale”. Kisha Ortodokse Rumune mbështet fushatën.
