Këtë të diel, 21 qershor, po mbahet protesta e 22-të në kryeqytet kundër qeverisë.
Protesta ka nisur përmes marshimit nga sheshi ‘Skënderbej’ drejt Kryeministrisë. Ndërsa disa prej tyre kanë qëndruar aty gjatë natës dhe gjatë ditës në pritje të tubimit të sotëm.
Mbrëmjen e së shtunës u regjistrua një incident me një grup protestuesish të maskuar, të cilët dëmtuan flamurin izraelit. Qytetarët dhe aktivistët e pranishëm në protestë janë distancuar nga ky veprim, duke theksuar se nuk përfaqëson qëllimin e tubimit.
Për incidentin ka reaguar edhe Ministria për Evropën dhe Punët e Jashtme, duke e cilësuar atë një “akt të turpshëm”, ndërsa qëndrimin e saj e ka mbështetur edhe ambasadorja izraelite në Shqipëri, Galit Peleg.
Edhe sot, protestuesit pritet të marshojnë në rrugët e kryeqytetit.
/vizionplus.tv
