Sipas mediave iraniane, raundi i parë i bisedimeve mes SHBA-së dhe Iranit në Bërgjenstok të Zvicrës përfundoi pas rreth 1 ore e 20 minutash, ndërsa delegacionet u tërhoqën për konsultime të brendshme mbi ecurinë e negociatave.
Nga pala amerikane u deklarua se qëllimi i bisedimeve është krijimi i një kuadri të ri marrëdhëniesh në Lindjen e Mesme dhe ulja e tensioneve në rajon. Zyrtarë amerikanë theksuan se diplomacia mbetet rruga kryesore për zgjidhjen e krizave me Iranin, të cilin e cilësuan si faktor destabiliteti.
Zëvendëspresidenti amerikan JD Vance tha se në bisedime është vërejtur përparim i rëndësishëm dhe se administrata amerikane po synon një qasje të re në raport me Iranin dhe popullin e tij. Ai shtoi se presidenti Donald Trump ka autorizuar delegacionin amerikan për të kërkuar zgjidhje diplomatike.
Nga ana tjetër, Irani nuk ka dhënë deklarata zyrtare pas raundit të parë, por më herët ka kërkuar që çdo marrëveshje të lidhet me armëpushimin në Liban dhe çështjet rajonale, përfshirë edhe zhbllokimin e aseteve dhe eksportin e naftës iraniane. Tensionet mbeten të larta në rajon, ndërsa palët pritet të vijojnë konsultimet për hapat e radhës.
/vizionplus.tv
