Kreu i PAA, Agron Duka ka hedhur akuza në drejtim të kryeministrit Edi Rama pas votimit të rezolutës së CDU/CSU për hapjen e negociatave me Shqipërinë.
Në një postim në “Facebook”, Duka shprehet se 9 kushtet e vendosura në rezolutë rrëzojnë zgjedhejt e 30 qershorit, ndërsa akuzon kreun e qeverisë se po mohon ekzistencën e priblemeve në vend.
“Mund të gënjejë veten, por jo shqiptarët! Mohimi i vazhdueshëm i ekzistencës së problemeve, për të cilat Koalicioni qeverisës CDU-CSU dhe SPD në Bundestagun Gjerman vendosi 9 (nëntë) kushte, do të thotë të mos kesh vullnet politik për t’i zgjidhur ato. Sepse plotësimi i kushteve do të thotë ndëshkim të krimit zgjedhor, rrëzim të 30 qershorit dhe, më në fund, zgjedhje të parakohshme, të lira dhe të ndershme. Të cilat janë çka partnerët tanë presin për çeljen e negociatave dhe, mbi të gjitha, janë çka qytetarët shqiptarë meritojnë!”
