SPAK ka paraqitur konkluzionet përfundimtare për një nga fraksionet e dosjes së njohur si “Revanshi”, që lidhet me akuza për sigurim kushtesh për kryerje vrasjeje.
Në këtë pjesë të çështjes, të pandehurit kanë përfituar nga gjykimi i shkurtuar, procedurë që sjell ulje të dënimit.
Sipas konkluzioneve, për Astrit Avdylin është kërkuar dënimi me 15 vite burg, i cili reduktohet në 10 vite për shkak të gjykimit të shkurtuar.
E njëjta masë dënimi është kërkuar edhe për Emiljano Shullazin, për të cilin SPAK ka kërkuar 15 vite burg, që me gjykim të shkurtuar zbret në 10 vite.
Për Gjergj Cukali u kërkua 10 vite e 6 muaj burg me gjykim te shkurtuar 7 vite burg, Viktor Imeraj 10 vite burg me gjykim të shkurtur 6 vite e 8 muaj burg dhe Robert Laçi 10 vite burg me gjykim të shkurtur 6 vite e 8 muaj burg.
SPAK ka kërkuar dënim edhe për Satilno Basho me10 vite burg me gjykim të shkurtur 6 vjet e 8 muaj burg; Xhelal Rraja 9 vite burg me gjykim të shkurtuar 6 vite burg; Miri Bruli 9 vite burg me gjykim të shkurtur 6 vite burg
Dosja “Revanshi” konsiderohet një nga hetimet më të rëndësishme të SPAK, që përfshin disa episode dhe persona të dyshuar për përfshirje në aktivitete të rënda kriminale.
