Liga e kampionëve ofron sonte një tjetër shfaqje të madhe. Në Madrid do të luhet akti i parë në çiftin tjetër gjysmëfinaliste Atletiko vs Arsenal.
“Metropolitano” pret një duel deri diku të ekuilibruar. Nuk do të ishte kështu nëse do të flisnim muaj më parë, pasi Arsenali në pjesën e parë të edicionit kishte shifra dhe statistika impresionuese, ashtu sikurse një formë shumë të mirë, ndërsa Atletiko në atë periudhë ishte një ekip me shumë luhatje dhe probleme gjithashtu.
Këtë e tregoi edhe dueli i luajtur në fazën e ligës në Londër ku Arsenali e mposhti skuadrën e Simeones 4 me 0. Mirëpo sot diferencat mes këtyre dy ekipeve, gjithmonë në letër janë zbehur shumë.
E para sepse Atletiko është sot një ekip shumë më i fortë, i konsoliduar dhe me entuziazëm të madhe sidomos ata eliminuan Barcelonën, jo një, por dy herë nëse llogarisim edhe suksesin në kupën e mbretit dhe i kanë treguar Spanjës e mbarë kontinentit se meritojnë respekt, sidomos tani që të gjithë fokusin e kanë në Champions. Për këtë arsye Simeone ka bërë rotacion masiv ndeshjet e fundit në Spanjë në mënyrë që skuadra të gjitha energjitë t’i ketë në Champions.
Në portë kthehet Oblak, ndërsa Barriosh dhe Himenez do vazhdojnë të mungojnë. Lukman dhe Hancko kanë probleme, por do të jenë në fushë. Arsenali nga ana tjetër është në momentin e vetë më të dobët të sezonit. Rrezikojnë të hedhin në erë titullin në Angli përballë Manchester Cityt ndonëse dukej punë e kryer dhe tani janë nën presion edhe për Europën.
Londinezët nuk kanë në organikë Kai Havertc, ndërsa Saka dhe Eze nuk janë në 100 të formës së tyre. Më shumë sesa emrat, anglezët e kanë problemin te ritmi dhe qëndrushmeria…ndaj detyra e Artetes sonte është minimalisht kualifikimin të mbajë të hapur për duelin e kthimit në Londër. Dueli transmetohet në Vizion Plus në orën 21:00.
