Policia e Korçës goditi këtë të diel një tjetër rast të trafikimit të emigrantëve. Gjatë operacionit policor, shkruan “Vizion Plus”, ranë në pranga tre persona, ndërsa një tjetër është në kërkim.
Me një furgon ata po transportonin 27 klandestinë, të cilëve u kishin premtuar kalim në vendet e BE dhe në këmbim do të merrnin nga 1 mijë euro secili.
Efektivët ja bënë me shenjë të ndalonte shoferit të mjetit, por ky i fundit nuk u bind. Ai braktisi mjetin dhe u arratis.
Të arrestuarit janë Mehdi Gjini, 28 vjeç, Kliton Preka, 23 vjeç (organizatorë), Besim Laçi, 28 vjeç (transportues) së bashku me shtetasin A. M., 22 vjeç, që është në kërkim.
