Një person humbi jetën dhe 16 të tjerë mbetën të plagosur pasi një automjet u përplas me turmën gjatë paradës së krenarisë (Pride) në Berlin, një nga ngjarjet më të mëdha në Evropë në mbështetje të komunitetit LGBTQ+.
Policia gjermane njoftoi se është në kërkim të autorit të dyshuar, i cili sipas të dhënave paraprake është një person i njohur për autoritetet dhe lidhet me spektrin islamist.
Autoritetet paralajmëruan se i dyshuari mund të jetë i armatosur dhe i rrezikshëm, duke u bërë thirrje qytetarëve të mos i afrohen nëse e shohin.
❗️A car plowed into a crowd at an LGBTQ+ Pride parade in Berlin, killing one person and injuring at least 16 others
According to police, one or more suspects fled the vehicle after the attack. Several people were also reportedly stabbed.
Police are searching for 21-year-old… pic.twitter.com/4u1ZCpgZAx
— NEXTA (@nexta_tv) July 26, 2026
Sipas policisë, pak para orës 22:00, drejtuesi i një automjeti të bardhë goditi disa persona në zonën Ahornsteig, në parkun Großer Tiergarten. Fillimisht u raportuan shumë të plagosur, disa prej tyre në gjendje kritike, ndërsa më vonë u konfirmua se bilanci i sulmit është një viktimë dhe 16 të plagosur.
Kryetari i Bashkisë së Berlinit, Kai Wegner, e cilësoi ngjarjen si “një sulm ndaj shoqërisë sonë të lirë dhe të hapur”, duke theksuar se një tubim paqësor dhe tolerant u godit në mënyrën më brutale.
Policia vijon operacionin për kapjen e autorit ose autorëve të dyshuar, ndërsa hetimet për motivet e sulmit janë në zhvillim.
/vizionplus.tv
