Komisioni i zgjedhjeve në PD ka publikuar rreth orës 14:30 rezultat zyrtare, ku Basha renditet i pari, pas tij vjen Agron Shehaj, Edi Harxhi dhe Fatbardh Kadilli.
I ftuar në Spotlight nga Alban Dudushi, në Vizion Plus, gazetari Bledian Koka deklaroi se Partia Demokratike sipas tij është një parti anemike. Sipas tij nuk është Basha problemi.
“Demokratët votuan në versionin e Tiranës, që ‘qorr për qorr, e kam në oborr’. Nga ana tjetër, nuk kishim alternativë reale që ta replikonin Bashën.
Unë mendoj që Partia Demokratike duhet të fillojë të shkëputet nga interesat ekonomike, me të cilat shumë prej anëtarëve që janë brenda Partisë Demokratike, kanë lidhur qesen dhe xhepin. Këtu ka shumë biznesmenë që sponzorizojnë si nga e majta, si nga e djathta për të patur qëndrimet e tyre. Diku për të mbylur gojën, diku për të miratuar një ligj, diku për të shkelur një sy e diku për të mbyll një vesh. Dhe në qoftë se kjo është e përbotshme, por në Shqipërinë e regjimit të Edi Ramës, kjo është e rrezikshme. Sepse e përbotshme është kudo, por institucionet e demokracisë, institucionet e meritokracisë funksionojnë gjithkund, ne i shohim që këta nuk funksionojnë asgjëkundi, as me partitë politike dhe as në shtet.”
