Sipas Klevis Balliut, fakti më tronditës i këtyre zgjedhjeve është publikimi i të dhënave personale të 900 mijë qytetarëve.
I ftuar këtë të hënë në “Quo Vadis” në Vizion Plus, Balliu tha se patronazhisti është model komunist i ish-sigurimit të shtetit dhe jo një koncept i krijuar nga kryeministri Edi Rama.
“Një nga ngjarjet me të rënda që ka ndodhur në politikën shqiptare është vjedhja e 900 mijë të dhënave personale, që mund të shkosh në bankë dhe t’u marrësh lekët të gjithë atyre. Një person më emrin tuaj mund të shkojë në një shtet tjetër e të bëjë një krim duke falsifikuar numrin e kartës së identitetit. Një person me emrin tuaj mund të bëjë një krim dhe ju të arrestoheni. Patronazhisti është një koncept i regjimit të Enver Hoxhës. Përdorej për të hetuar dhe ndjekur dikë; nuk e ka shpikur Rama, por Enveri. PD nuk ka patronazhistë, por koordinatorë.”
