“Pas vdekjes”, komedia e shkruar nga Andon Zako Çajupi e sjellë nën regjinë e Hervin Çulit, është fituesja e “Koko Fest”.

 

Vepra e cila në veçanti përcjell domosdoshmërinë e ruajtjes së gjuhës amtare u vlerësua si produkti më i mirë teatror në mbyllje të festivalit mbarëkombëtar që prej vitesh mikpritësja është skena teatrore e Korçës.

 

Regjia më e mirë shkoi për Elona Hyseni. Trupa e teatrit “Metropol” konkurroi me “Sot, tetë ditë”,  që rrëfen historinë e një ish drejtori teatri, dy aktorëve të dashuruar, një sufleri që pasi përfundojnë në një ishull të pabanuar, gjenden në një botë të re ku i duhet të jetojnë në një sistem të ri, mes republikës dhe monarkisë. Cilën do të zgjedhin?

 

Më të mirët aktorë në rolet kryesore për këtë takim të radhës të një prej gjinive më të vështira të të bërit teatër, komedia, ishin Ervin Bejleri dhe Olta Daku, përkatësisht në shfaqjet “Nuk dëgjoj,nuk shikoj,nuk flas” dhe “Shirli Valentina”

 

Për të mos humbur traditën e një festivali i cili bën në një skenë të vetme produktin artistik të teatrove në vend, me gjithë masat kufizuese që imponon pandemia ai u zhvillua në mjedise të hapura për gjashtë mbrëmje në Korçën artdashëse.

 

 

Leave a Reply

Your email address will not be published. Required fields are marked *