Parlamenti çeli sesionin e ri pas pushimeve të verës dhe sfida kryesore duket se do të jetë miratimi i rregullave, mbi bazën e të cilave partitë politike do të garojnë në 25 prill. Kryeministri Edi Rama theksoi se reflektimi i ndryshimeve kushtetuese në Kodin Zgjedhor duhet bërë sa më shpejt që të jetë e mundur, duke e bërë të qartë se negociata të gjata me opozitën këtë herë nuk do të ketë.
EDI RAMA
KRYEMINISTER I SHQIPERISE
Mekanizmi i listave të hapura ku na duhet të diskutojmë mundësisht me konsensus të plotë brenda sallës së parlamentit dhe me atë pjesë të opozitës jashtë parlamentit, por një orë e më parë nuk mund të jetë një proces i zgjatur për një konsensus 100%.
Përveç reformës zgjedhore, Rama e ka bërë të qartë se deri në dhjetor parlamenti do të miratojë ligjet që rregullojnë marrëdhënien me Presidentin e Republikës Ilir Meta; duke nisur nga betimi i anëtarëve të Gjykatës Kushtetuese deri tek një ligj për Ilir Metën.
Të shtyjmë para ligjin për Presidentin e Republikës, është një draft që është përfolur shpesh, ka ardhur koha të ketë një ligj për Presidentin e Republikës.
Kryeministri ka renditur ndër aktet e rëndësishme që do të miratohen deri në fund të vitit edhe buxhetin për 202, rritjen e pagave për mjekët e mësuesit.
Por këtë seance të parë plenare Rama e ka shfrytëzuar edhe për të komentuar marrëveshjen e arritur në Shtëpinë e Bardhë mes Serbisë e Kosovës.
PARLAMENTI RINIS PUNIMET
RAMA: NDRYSHIMET KUSHTETUESE TE REFLEKTOHEN SA ME PARE NE KOD