Fotografi të pacientëve të buzëqeshur që janë larguar nga spitali në Kinë janë shpërndarë nga agjensia shtetërore e lajmeve “Xinhua” të mërkurën.

 

“Xinhua” raportoi se pacientët, të cilët u fotografuan me gishtin e madh lart dhe ishin duke brohoritur në momentin e shkrepjes, ishin rikuperuar nga COVID-19.

 

Sipas Komisionit Kombëtar të Shëndetit të Kinës, numri i përgjithshëm i personave që janë larguar nga spitali në vend tani është 76.238. “Xinhua” raportoi se 186 pacientë u shëruan të martën.

 

Ndërkohë, media kineze raportoi se grupi i parë i punëtorëve të mjekësisë që kishin udhëtuar në provincën Hubei për të ndihmuar kundër koronavirusit kanë përfunduar karantinën e tyre dhe mund të ribashkohen me familjet e tyre në qytetin verilindor të Tianjin.

 

Ata ishin pjesë e shtatë skuadrave që përfshinin më shumë se 700 mjekë që kishin udhëtuar nga Tianjin në Hubei, provinca ku filloi pandemia.

 

 

Leave a Reply

Your email address will not be published. Required fields are marked *