Në një kohë kur vala e emigrantëve ka kapluar Europën, e më së shumti Italinë, një shqiptar risjell tragjedinë e vitit 1997 me anijen “Katër i Radës” . Emigrantë që kërkojnë një jetë më të mirë, guxojnë te shkojnë drejt vdekjes. Admir Shkurtaj është një prej atyre që dramën e atyre viteve e përjetoi dhe e shkroi me nota në pentagram.

 

Shkurtaj e ka përcjellë për herë të parë këtë vepër në Bienalen e Venecias, në vitin 2014. E Quajtur “Katër i Radës, Anija e mallkuar”, vepra nis si një opera, klasike, pastaj vijon me nota teatrale, e pas aktorëve në skenë hyn edhe një grup polifonik, që vajton dramën.

 

Në Tiranë e risjellin po të njëjtët artistë. 15 italianë të trupës artistike Koreja dhe 5 zëra të isopolifonisë.

 

E veçanta e kësaj vepre është libreti i Alessandro Leogrande dhe muzika shumë e ndjerë e Admir Shkurtaj. Kanë qenë këto dy komponentë dhe një dramë e madhe që vijon ende sot që I bëjnë të gjithë artistët që japin shumë shpirt e ndjenjë për ata që u mbytën në det në kërkim të një jete më të mirë. Në katër vjet që nga koha kur e vumë në skenë për herë të parë në bienalen e Venecias, askush nga 20 artistët nuk i ka thënë jo rivendosjes në skenë të kësaj vepre. Ka shumë emocion. E ndjesia që do të na shohin familjarët e atyre që humbën jetën në këtë tragjedi është e ndjerë, po aq sa vepra.

 

“Katër i Radës”, do të interpretohet sot në mbrëmje në Amfiteatrin e Liqenit Artificial të Tiranës.

Leave a Reply

Your email address will not be published. Required fields are marked *