Migen Qiraxhi nga “Qëndresa Qytetare” ka ngritur shqetësimin për mungesën e hapësirave sportive dhe institucioneve kulturore për të rinjtë, duke theksuar se këto mungesa ndikojnë drejtpërdrejt në edukimin dhe orientimin e tyre.
I ftuar në emisionin QUO VADIS në Vizion Plus, Qiraxhi deklaroi se prania e drogës në shkolla mbetet një problem serioz, ndërsa sipas tij, krimi i organizuar po shndërrohet në një model të gabuar për të rinjtë.
Ai u shpreh se familja ka një rol të rëndësishëm në edukimin e fëmijëve, por shtoi se përgjegjësia nuk mund të mbetet vetëm mbi prindërit. Sipas Qiraxhiut, shoqëria duhet të ndërtojë institucione dhe struktura që ofrojnë edukim e alternativa për fëmijët dhe të rinjtë.
“Në Tiranë nuk ka as terrene sportive. Janë vetëm 50 muze në gjithë Shqipërinë. Ligji? Ja ku e ke policinë. Drogërat në shkolla janë shumë të pranishme. Nuk e keni idenë sa e tmerrshme është kjo. Krimi i organizuar është bërë model. Një rrugaç shëtit në rrugë me rroba të shtrenjta. Çfarë të bëjë familja këtu? Familja ka peshë, por unë, si prind që mendoj se jam i përgjegjshëm, nuk do të pres që familjet e tjera të edukohen.
Atëherë, në shoqëri ne ndërtojmë institucione, struktura që u japin edukim të rinjve dhe fëmijëve. Në momentin që në universitet është edukuar se çanta duhet të jetë origjinale, do shkosh t’ia blesh se s’ke çfarë bën”, tha Qiraxhi në QUO VADIS.
/vizionplus.tv
