Sociologia Eva Sinanaj ka ngritur alarmin në studion e “Quo Vadis” në Vizion Plus, pas ngjarjes së rëndë të ndodhur në Fier, ku tre adoleshente dhunojnë bashkëmoshataren e tyre.
Sinanaj tha se sot në shkollat shqiptare mungojnë psikologët dhe sociologët, ndërsa shtoi se shpesh këta të fundit i sheh duke bërë punë të tjera.
Pjesë nga biseda:
Borakaj: Mamaja e vajzës thoshte se ne pritëm dhe vajza u sëmur ditën e katërt, sepse askush nuk po reagonte. Vajzat dhunuese qarkullonin në qytet dhe kishin videon e vajzës së dhunuar. A ka institucione që e trajtojnë viktimën?
Sinanaj: Për fat të keq, në institucionet tona nuk ka mjaftueshëm staf që t’i trajtojë rastet një më një. Në shkolla, një psikolog mbulon dy shkolla, ndërkohë që çdo shkollë duhet të kishte psikolog dhe sociolog. Ne kemi njerëz të përgatitur, por psikologët shesin dyshekë, sepse institucionet nuk kërkojnë sociologë. Vajza kishte katër ditë që priste, ndërsa policia ishte institucioni i parë që e takoi.
Kazaiaj: Kur paraqitet një e mitur, duhet të thirret menjëherë psikologu, oficeri i policisë dhe familjari.
