Deputeti i opozitës parlamentare, Halit Valteri ka mbërritur këtë të premte në SPAK, ku do të dorëzojë pamjet e videos që publikoi dje në foltoren e Kuvendit lidhur me atentatin ndaj prokurorit Arjan Ndoja te mbikalimi i Shkozetit.
Gjatë fjalës së tij në Kuvend, Valteri deklaroi se policia dhe prokuroria nuk po e zbardhin qëllimisht të plotë ngjarjen, në të cilën mbeti i vrarë shoferi Andi Maloku.
Ai u shpreh se nga pamjet konstatohet që kanë qenë dy autorë, njëri ishte pajisur me një kapele, ndërsa i dyshuari tjetër i krimit, ishte pa kapele.
“E pranoj se në Lazarat ka pasur drogë, por të siguroj se në Mirditë ka dyfishin e asaj droge. OFL coja deputetëve që kanë ardhur në parlament në pranga në duar. Pse askush nuk po merret me cështjen e Redjan Rajës, atë me kapele e gjetët, atë pa kapele nuk e gjeni dot. Ju e keni karamelen në fyt, pengohet zbardhja e kësaj ngjarje për shkak se keni frikë se pas kësaj fshihen ata që ju komandojnë juve”, tha deputeti.
