Qytetarët e Maqedonisë protestojnë sot në Shkup kundër keq qeverisjes, proceseve të montuara gjyqësore, burgosjes së shqiptarëve dhe respektimin e të drejtave të tyre. Tubimi zhvillohet në formën e një marshimi qe nis nga “Bit pazari” për të vijuar deri në sheshin përpara parlamentit në Shkup. Kjo protestë e organizuar kryesisht nga shoqëria civile shqiptare opozitare pason tubimet e javës së fundit, në të cilën është kundërshtuar vendimi i presidentit Ivanov për të falur personat nen proces hetimi lidhur me skandalin e përgjimeve. Mes tyre është edhe ish-kryeministri Gruevski.
