Kryeministri Edi Rama, ka përshëndetur vendimin e Inspektorit të Lartë të Drejtësisë, e cila ka kërkuar shkarkimin e gjyqtarit Markelian Kuqo.
Përmes një postimi në “Twitter”, kreu i qeverisë e quan gjyqtarin një të paudhë që ka sfiduar hapur popullin dhe drejtësinë, duke liruar një të dënuar përjetë.
“Përshëndes Inspektorin e Lartë të Drejtësisë për kallzimin e një të paudhi me çyrk gjykatësi që ka sfiduar hapur drejtësinë dhe popullin, duke liruar një të dënuar me burgim të përjetshëm! Më në fund një hap i vonuar në rrugën e duhur të vendosjes së drejtësisë në drejtësi”, shkruan Rama.
Kuqo ka liruar nga burgu Gerd Gjinararin (Gjenerali), i dënuar për vrasjen e Arben Grorin në Itali më 1997.
