Një ngjarje makabre ka ndodhur në Bon të Gjermanisë, teksa një 38-vjeçar ka lënë kokën e prerë të një personi para gjykatës së qarkut. Kanë qenë disa kalimtarë ata që kanë lajmëruar policinë.
Mësohet se viktima është një 44-vjeçar, por identiteti nuk është ende i sigurt. Pak pasi u lajmërua për gjetjen e kokës policia ka gjetur një trup, por ka hequr edhe një paralele midis ngjarjes në Bon dhe vrasjen e pazbardhur të të pastrehut Gerd Michael Straten, më parë në Koblenz.
Ndërkohë, koka e prerë, e cila u vendos në hyrje të gjykatës së qarkut të Bonit në mbrëmje e së martës, do të ekzaminohet nga departamenti i mjekësisë ligjore. Një zëdhënës i policisë njoftoi se e njëjta gjë vlen edhe për pjesën tjetër të trupit, të cilën hetuesit e gjetën një kilometër larg të martën.
I dyshuari 38-vjeçar, të cilin policia e arrestoi të martën në afërsi të gjykatës së rrethit, deri më tani ka heshtur për ngjarjen. Megjithatë, ai përshkroi saktë vendndodhjen e trupit pranë brigjeve të Rhein për hetuesit.
