Kryeministri Edi Rama garon për deputet në Durrës dhe në Vlorë.
I pyetur nga gazetarët këtë të martë se kë do të zgjedhë në fund, kryeministri tha se do të shkojë tek ata që e duan më shumë.
Ai shtoi se dëshiron të bëjë për Durrësin atë që ka bërë për Vlorën, për ta futur në një fazë të re.
“Unë kam bindjen që objektivi bazë do të realizohet. Unë nuk flas me nëse. Dilema e shumëkujt është dakord, po ku do rrish? Në Vlorë apo në Durrës? Unë do të rri aty ku më duan më shumë. Njerëzit e nënës janë në Vlorë, njerëzit e babës janë në Durrës, është një garë mes tyre. Dua që për Durrësin të bëj atë që kam bërë për Vlorën sepse është një nga asetet më të mëdha që ka ky vend. Ka ardhur koha për ta çuar në një fazë të re. Unë dua ta bëj këtë gjë. Pastaj të shohim kush do të më dojë më shumë për të lënë njërin nga vendet.”
