Ish-kryeministri Ramush Haradinaj iu përgjigj kreut të qeverisë shqiptare, Edi Rama, pasi ky i fundit zbardhi prapaskenat e një takimi në Berlin me Merkel dhe Macron.
Në një intervistë për mediat kosovare, Haradinaj sqaroi se ai mbrojti kufijtë e Kosovës nga Rama, i cili, sipas tij, ishte pro ndarjes.
“Zhgënjimi i kryeministrit Rama ose ato që i thotë sot janë të pabazuara. Mendoj se në atë kohë ai ka qenë i rreshtuar gabim, pra për ndarjen e Kosovës për hapjen e kufijve të Kosovës. Sigurisht që mjaft e rrezikshme për Ballkanin dhe do të na dërgonte në luftëra të reja. Jam detyruar t’i mbroj arat nga vëllai im Edi Rama.”
Kryeministri Rama tha një ditë më parë se Haradinaj tha para Merkel dhe Macron “Mu nuk më han luli për këta”, duke i hequr, sipas tij, mundësinë Kosovës që të hiqte vizat.
