Gjykata e Shkodrës ka dhënë masën e sigurisë për dy mjekë e spitalit të Traumës në Tiranë, të cilët morën një shumë parash për një operacionin e Elmidin Dylit, 17-vjeçari që mbeti i plagosur nga masakra e Velipojës.
Kirurgu ortoped Serdi Memini dhe anestezisti Ervin Sulaj janë lënë në burg, ndërsa për babanë e të riut, i cili tentoi të jepte ryshfet, u vendos “detyrim paraqitje”.
Babai i të miturit besohet t’i ketë dhënë kirurgut dhe anestezistit 377 mijë lekë dhe 55 euro, të cilat më pas janë sekuestruar në cilësinë e provës materiale.
Ata u akuzuan për “korrupsion aktiv dhe pasiv të personave që ushtrojnë funksione publike”.