MIK Festival ka mrekulluar Korçën në natën e dytë të tij duke sjellë në juglindje Spanjën dhe muzikën e saj.
Tingujt e muzikës spanjolle u dëgjuan fillimisht në Teatrin Andon Zako Çajupi e më pas në pazarin e Korcës. Për instrumentistin e njohur shqiptar Florjan Vlashi, i cili jeton në Spanjë ka qënë një mbremje e magjishme ajo e djeshme duke shprehur konsideratën e tij se kjo muzikë është krijuar enkas për sheshe të tilla si ai i Pazarit.
Për Vlashin është një eksperiecë e veçantë kjo e MIK Festival, duke pranuar me kënaqsi ftesën e sopranos Inva Mula për tu bërë pjesë e këtij koncerti madhështor.
Në anën tjetër emocione po kaq të forta ka përjetuar edhe drejtorja e zyrës së shtypit të festivalit, Fjodora Fjora, e cila bëri me dije se emocionet do të vijnë në rritje edhe mbremjen e sotme kur do të performojë një grup nga Austria që do të luajë muzikë vieneze.
Nata e dytë e Mik Festival filloi tek Teatri me muzikë Spanjolle për të vijuar më pas me flamengon e famshme nga performaca e Carol Morgado në Pazarin e Korçës.
