Kryetari i Partisë së Lirisë, Ilir Meta gjatë një takimi me strukturat e Tiranës, ka denoncuar me tone të ashpra betonizimin dhe transformimin e kryeqytetit. Duke bërë përgjegjës vetëm Edi Ramën, Meta nënvizoi se ai do ta rrëzojë shumë shpejt regjimin e Rilindjes.
ILIR META
KRYETAR I PARTISË SË LIRISË
Premtimi im është që siç shemba në emër të të ardhmes së Tiranës e ligjit, kioskat e të fortëve të Tiranës, dhe tutorëve të Edit, ja dini emrat ju… e bëra në emër të ligjit, të të ardhmes, kështu do të shemb i pari unë, dhe nja 1 milionë qytetarë të Tiranës së bashku këtë kalbësirë, regjim, që vetëm vjedh e mashtron, grabit, tjetërson pronat e qytetarëve përmes falsifikimeve, por edhe do u japim ndëshkimin e merituar, që kurrë në historinë e Tiranës dhe Shqipërisë askush të mos guxoj të mashtroj popullin
Ish presidenti Meta, nuk e kurseu ironinë teksa ka sulmuar kryeministrin për situatën që ka krijuar në Tiranë.
ILIR META
KRYETAR I PARTISË SË LIRISË
Ora e drejtësisë nuk është e largët, është e afërt. Një popull që vendos drejtësi, është fisnike. Ai ka thënë popullit nuk i ngrihet, ai vagabondi… Ne jemi populli Vojo Kushit, Avni Rustemit, Mujo Ulqinakun…O vagabond, që frymëzohesh nga Escobari, të dhunonin të gjithë të fortit te Tiranës, të vinin pistoletën te gjuri. Këta komandojnë sot prapë. Intelekutalët i ka lënë në kukulla.
Meta ashpërsoi tonet duke kaluar edhe në fyerje ndaj kryeministrit Rama.
Sipas Metës fundi i Edi Ramës do të jetë si fundi i cdo regjimi totalitar, dhe askush dhe asgjë sdo të mund ta shpëtojë nga ligjet e shtetit.
