Situata aktuale politike në Shqipëri, ishte në qendër të bisedës mes kreut të kuvendit Ilir Meta dhe kryeministrin e landit gjerman Hessen, Volker Bouffier. Sipas njoftimit të zyrës së shtypit pranë kuvendit, Meta dhe Bouffier ndanë bindjen se në kontekstin e zhvillimeve rajonale, Shqipëria duhet ta forcojë edhe më tej rolin e saj stabilizues. Ndaj, u theksua fakti se duhet rritur përgjegjshmëria dhe bashkëpunimi politik në vend, për të avancuar me reformat kyçe si ajo e sistemit të drejtësisë, e cila i shërben edhe krijimit të një infrastrukture të favorshme për investimet e huaja. Kryeministri i landit Hessen, vlerësoi progresin e madh që Shqipëria ka njohur gjatë dy dekadave të fundit, vuri në dukje se perspektiva e Shqipërisë është në Bashkimin Evropian.
