Messi nuk di të ndalet dhe shpërthen me rekorde të reja. Këtë herë jashtë fushës së blertë, por brenda botës së futbollit. Edhe pse ende nuk ka filluar të luajë në kampionatin francez, i janë dashur vetëm pak orë në Paris që ylli i skuadrës të thyejë rekordin e shitjes së fanellave .
Siç raportojnë mediat e njohura, gjatë 24 orëve të fundit, Messi ka shitur plot 832 mijë fanella me emrin e tij.
Një bluzë kushton 160 euro apo e thënë ndryshe 188 dollarë, pra nëse do t’i referohemi që nga mbërritja e tij në Paris, me një llogari të thjeshtë themi se që në ditën e parë skuadra parisiene u zgjua me 105 milionë dollarë më tepër në arkën e saj. Një shifër kjo shumë më e lartë nga ajo çfarë do të përfitojë pleshti në dy sezone. Klubi mban rreth 10% të të ardhurave, ndërsa pjesa tjetës i shkon firmës prodhuese të fanellës.
Një tjetërë rekord që Messi vendos është drejtpërsëdrejti me rivalin e tij më të madh, Cristiano Ronaldo. Kur ylli portugez mbërriti në Torino për të nënshkruar kontratën me Juventusin u shitën 520.000 mijë fanella të CR7, që sollën një përfitim afro 60 milionë euro në 24 orë pas nënëshkrimit të tij si juventin.
Klubi francez nënshkroi me fituesin e gjashtë topave të artë, një kontratë 2-vjeçare me të drejtë rinovimi edhe për një sezon deri në vitin 2024, ndërsa fanella që do të mbajë mbi shpinë është ajo me numrin 30.
