Pak ditë më parë, kryeministri Edi Rama deklaroi sot se familjet e pasura në vend mund të paguajnë më shumë në faturën e energjisë elektrike për një periudhë të përkohshme.
Por, për ekspertin e ekonomisë, Pano Soko, kjo skemë nuk do të vendoset në zbatim asnjëherë, por është një “luftë propagandistike”. Ai sqaroi më tej se një familje shqiptare që merr 800 dollarë në muaj, kategorizohet e varfër.
“Kjo nuk do të bëhet asnjëherë. Sepse nuk ka mundësi teknike, fizike për tu implementuar. Ti nuk e evidenton dot kush është një familje e pastër. Paga mesatare sot është rreth 500 mijë leke, neto. Për t’u quajtur i varfër në Shqipëri zyrtarisht sot duhet të konsumosh 6.6 dollarë në ditë. Një familje me katër persona që konsumon secili në varfëri zyrtare 6.5 dollarë në ditë, bëjnë 800 dollarë në muaj. Nëse kanë edhe një qira për të paguar, atëherë familja me pagë mesatare shqiptare jeton në varfëri zyrtare. NiveIi i varfërisë këtu është përtej 50 për qind. Niveli i familjes për t’u quajtur e pasur është shumë pak për të ndikuar te buxheti i shtetit, apo përfitimi nga energjia elektrike. Kjo e gjitha është një masë si të gjitha masat këtu. Është një luftë propagandistike, sesa ka një thelb ekonomik a logjik.”
