Tetori ndryshe njihet dhe si muaji rozë dhe sensibilizimi kundër sëmundjes së kancerit të gjirit, sëmundje që kohët e fundit është përhapur në masë.
Ministrja e Shëndetësisë dhe Mbrojtjes Sociale Ogerta Manastirliu, nga emisioni 7 pa 5 në Vizion Plus ka bërë apel femrave që të jenë më të kujdeshme për shëndetin e tyre dhe të mos neglizhojnë asnjë kontroll shëndetsorë jeteshpëtues.
Eshte për tu habitur se si ka ndikuar rritja e numrit të mamografive, pasi vetëm në javen e parë të tetorit nga mesataja 1050-1100 mamografi në muaj në të gjithë vendin, tashmë vetëm në javën e parë të tetorit kemi 1200 mamografi. Une apeloj që asnjë grua të mos e neglizhoje veten dhe mjafto që të marrë vetëm disa minuta nga dita e saj për tu kujdesyr për veten dhe për të kryer ekzaminimet bazë për shëndetin për të parandaluar sëmundjen dhe për të zhvilluar kontrollet që janë jetëshpëtuese.”
Ndër të tjera ministrja nga emisioni 7 pa 5 është shprehur optimiste përsa i përket dhe studentëve që kanë nisur studimet në mjeksi dhe në infermieri pasi sipas saj janë student ekselentë duke na bërë më optimist për të ardhmen e shëndetsisë në vend.
