Lideri i opozitës Lulzim Basha ka replikuar ne distance me ambasadorin amerikan ne Tirane Donald Lu. Pas deklaratave te diplomatit amerikan, Basha ne nje postim ne rrjetet sociale ka theksuar se nuk ka reforme ne drejtësi jashtë Kushtetutës.
Sipas Bashes, ne mënyre qe prokurori i përgjithshëm të luftojë politikanët e korruptuar dhe të lidhur me krimin, ai duhet t’i nënshtrohet procesit të vetingut.
“Që prokurori i përgjithshëm të mos jetë produkt i politikës, ai nuk mund të përzgjidhet dhe emërohet nga Edi Rama dhe Sajmir Tahiri, por nga Këshilli i Lartë i Prokurorisë dhe me tre të pestat e kuvendit, siç e kërkon Kushtetuta.” – shkruan kryetari i PD, Basha.
Ai ka theksuar se opozita kërkon krijimin e Këshillit të Lartë të Prokurorisë, ne mënyre qe t’i hapet rruge ngritjes se SPAK-ut dhe Byrosë Kombëtare te Hetimit.
