Vazhdon të thellohet konflikt mes Shteteve të Bashkuara dhe Turqisë. Autoritetet ne Ankara kanë lëshuar urdhër-arrest edhe për një punonjës tjetër të konsullatës amerikane, i dyti ky brenda javës. Mediat njoftojnë se bashkëshortja dhe fëmija i tij janë shoqëruar për t’u marrë në pyetje, nën dyshimet se kanë lidhje me klerikun Fethullah Gulen, të cilin Ankaraja e akuzon për tentativën e dështuar të grushtit të shtetit.
Arrestimi i nje punonjësi të konsullatës amerikane shkaktoi lufte diplomatike mes Ankarasë dhe Uashingtonit, duke bërë që dy vendet të ndërpresin shërbimin e vizave, edhe për personat të cilët kishin planifikuar më herët udhëtime nga Turqia drejt SHBA-ve dhe anasjelltas. Ministri turk i drejtësisë i kërkoi Uashingtonit te rishikojnë vendimin për pezullimin e vizave.
Dy ditë më parë, Ambasada Amerikane në Ankara theksoi se anulimi i vizave është bërë për shkak të arrestimit të punonjësit të saj.
Turqia, prej kohësh kërkon ekstradimin e Fetullah Gulen ndërsa arrestimi i punonjësve, mendohet se është një përpjekjeve e Ankarasë për presion.
