Një aksident me vdekje ka ndodhur ditën e sotme në aksin Borizanë-Thumanë. Bëhet me dije se një 62-vjeçar ka humbur kontrollin e mjetit dhe ka dalë jashtë rruge.
62-vjeçari është dërguar menjëherë në spital, ku më pas ka ndërruar jetë për shkak të plagëve të marra.
Njoftimi:
Rreth orës 16:40, në aksin rrugor “Borizanë-Thumanë”, shtetasi V. L., rreth 62 vjeç, dyshohet se ka humbur kontrollin mbi drejtimin e automjetit, i cili ka dalë nga rruga.
Për pasojë, drejtuesi i automjetit ka ndërruar jetë në spital.
Vijon puna nga grupi hetimor, për sqarimin e plotë të rrethanave dhe shkakut të aksidentit.
