Robert Levandovski është lojtari më i mirë i vitit 2020. Mbrëmjen e të enjtes u zhvillua dhe ceremonia e ndarjes së cmimeve nga FIFA për të zgjedhur futbollistin më të mirë për sezonin që lamë pas.
Nën protokollet e pandemisë, të gjithë prisnin të dëgjonin emrin që do të mposhte dy nga lojtarët më të mirë të shekullit, Cristiano Ronaldo dhe Leo Messi.
Kështu, votat e trajnerëve , kapitenëve të kombëtareve, dhe e gazetarëve sportivë,përzgjodhën Robert Levandovskin si “mbretin” e vitit 2020.
Në fakt sulmuesi i Bayren Mynihut ishte kandidati kryesor pasi fitoi gjithcka me baravarezët sezonin që lam pas. Plot 5 trofe mes të cilave Champions League dhe Superkupa e Europës ndërsa u shpall golashënuesi më i mirë në kampionatin gjerman dhe në Ligëm e kampionëve .
Robert Levandovski shënoi 34 gola në Bundesligën gjermane, 15 gola në Ligën e Kampionëve si dhe 6 gola në Kupën e Gjermanisë. Pas këtij triumfi, polaku u shpreh se ky cmim është meritë e gjithë shokëve të skuadrës
ROBERT LEVANDOVSKI
FUTBOLLISTI MË I MIRË I 2020
“Ndihem shumë mirë. Jam shumë krenar dhe i lumtur që e fitova këtë çmim, kjo është një ditë e shkëlqyer për mua, dhe gjithashtu për klubin dhe kolegët e mi. Ky çmim u përket gjithashtu kolegëve të mi, trajnerit dhe Bayern Munchen në përgjithësi. Është një ndjenjë e pabesueshme Është e vështirë të qëndrosh në maje por dua ta bëjmë këtë”
Sa i përket golit më të bukur, gara ishte e vështirë por në fund u vendos të zgjidhej koreano-jugori Hon Min Son. Një supergol në ndeshjen Tottenhem -Burnley në Premier League bëri që koreani të rrëmbente cmimin Puskas.
Ndërkohë Trajneri më i mirë u shpall për të dytin vit radhasi Jurgen Klopp duke mposhtur teknikun baravarez Hansi Flik ndërsa portieri më i mirë Manuel Neuer duke lënë pas emra të mëdhenj si Alisson apo Jan Oblak.
Megjithatë ra ne sy se në formacionin më të mirë të vitit, gardiani bavararez mungonte , ndërsa në vend të tij ishte Alisson. Përvec tij nga të kuqtë janë dhe Virxhil Van Dajk dhe Aleksander-Arnold.
Ndërsa mbrojtjen e plotësonte Serxho Ramossi edhe talenti Entoni Dejvis, i cili u kthye në një nga pikat kyce për skuadrën e Bayern. Në mesfushë rreshtohet Tiago Alkantara dhe Xhoshua Kimish, ndërsa treshja plotësoshet nga Kevin De Brojne.Ndërsa sulmi garanton spektakël dhe gola pafund, me treshen Messi Levandovski dhe Ronaldo.