Ndërsa Evropa po përballet me temperatura që arrijnë ose tejkalojnë 42 gradë në shumë zona, një valë e fortë e të ftohtit nga Antarktida po përfshin Zelandën e Re, duke shkaktuar një rënie të ndjeshme të temperaturës, reshje bore edhe në zonat bregdetare dhe probleme serioze me transportin.
Fronti i ftohtë mbërriti në vend të martën, me pjesën më të madhe të Zelandës së Re që u zgjua me kushte ngrirjeje, reshje bore, breshër dhe erëra jashtëzakonisht të forta të ftohta.
Temperaturat e ulëta vazhduan edhe të mërkurën në mëngjes, kur në tre zona të Ishullit Jugor temperatura ra në -9 gradë Celsius.
Snow in Wellington New Zealand! First time since 2011. pic.twitter.com/o2Yc1B6YQC
— Jerry K (@jerryin3d) August 4, 2026
Disa autostrada u mbyllën për shkak të kushteve të motit, ndërsa zonat e bregdetit lindor të Ishullit Verior përjetuan breshër të dendur.
Shpërthimi polar i Antarktidës godet Zelandën e Re, ndërsa bora e rrallë në nivelin e detit shkakton kaos në udhëtime në të gjithë vendin.
Në kryeqytetin Wellington, reshjet e borës arritën nivelin e detit pak pas mesditës të së martës, gjë që ndodhi për herë të parë në 15 vjet. Reshjet e rralla të dëborës kanë ngjallur entuziazëm tek banorët. Punëtorët dolën nga zyrat e tyre për të shijuar borën, ndërsa mediat sociale u mbushën me foto dhe video.
“Një përrallë e vërtetë dimërore”, shkroi një përdorues. “Borë në Wellington? E pabesueshme! Çfarë mënyre e shkëlqyer për të ndryshuar humorin gjatë ditës”, komentoi një tjetër.
Antarctic Polar Blast Brings Rare Sea-Level Snow to New Zealand | Asia One News
A powerful Antarctic polar blast has swept across parts of New Zealand’s South Island, bringing rare snowfall to sea level and freezing temperatures that forced road closures and disrupted… pic.twitter.com/vGOvoHw6TF
— ASIA ONE NEWS (@AsiaOne_News) August 4, 2026
Një banor tha në një postim në Reddit se pamja ishte unike, pasi njerëzit ishin mbledhur në dritaret e të gjitha ndërtesave përballë rrugës për të parë reshjet e dëborës. Në Dunedin , qytetin e dytë më të madh të Ishullit Jugor, shkollat u mbyllën të martën ndërsa rrugët u mbuluan nga bora.
Shumë banorë shfrytëzuan mundësinë për aktivitete dimërore në qytet. Videot e postuara nga mediat lokale tregonin banorët duke bërë snoëboard në rrugë, ndërsa një skiator bënte ski në rrugën e famshme Baldëin, e cila është listuar nga Libri i Rekordeve Guinness si rruga më e pjerrët në botë.
Probleme në aeroporte dhe autostrada
Më në veri, New Brighton Beach në Christchurch ishte i mbuluar me një shtresë të hollë bore, ndërsa një aeroplan u detyrua të anulonte uljen në aeroportin ndërkombëtar të qytetit për shkak të erërave të forta dhe shiut.
Policia iu përgjigj disa incidenteve të rrëshqitjes së automjeteve në rrugët e akullta, duke i nxitur njerëzit të shmangin udhëtimet e panevojshme.
Shërbimi Meteorologjik i Zelandës së Re (MetService) vlerëson se, megjithëse temperaturat do të rriten pak të mërkurën, ato do të bien përsëri gjatë natës.
Mëngjesi i së enjtes pritet të jetë më i ftohti i vitit për shumë pjesë të vendit.
Në të njëjtën kohë, operatori i rrjetit kombëtar të energjisë elektrike, Transpoëer, njoftoi se kishte regjistruar konsumin më të lartë të energjisë elektrike të regjistruar ndonjëherë gjatë pikut të mëngjesit, duke paralajmëruar se mund të ketë mungesë të energjisë të premten në mëngjes.
