Doloreza Musabelliu është zgjedhur me shumicë votash si anëtare e Prokurorisë së Posaçme Antikorrupsion. Prokurorja do të shërbejë për një mandat 9-vjeçar, pa të drejtë emërimi.
Vendimi i Këshillit të Lartë të Prokurorisë i është dërguar Presidencës, ku Musabelliu do të bëjë edhe betimin këtë të premte.
“Me propozim te Kryetarit, rendit te dites i shtohen 2 pika: kerkesa e drejtuesit te ILD, Artur Metani ndaj Keshillit per te komandur nje prokuror per nje afat kohor 5 vjeçar prane ILD dhe pranimin e kerkeses se prokurorit Agim Dilka, prokuror ne Prokurorine prane Gjykates se Shkalles se Pare Elbasan, per heqje dore nga funksioni. Zonja Esmeralda Keshi i bashkohet Keshillit”, thuhet mes të tjerash në njoftimin e KLP-së.
