Ish-deputeti demokrat, Klevis Balliu komentoi në emisionin “Quo Vadis” në “Vizion Plus” mbi 80 mijë votat e shpallura të pavlefshme nga Komisioni Qendror i Zgjedhjeve.
Balliu tha se këto fletë votimi do të ndryshonin tërësisht rezultatin, teksa foli edhe për manipulimin e zgjedhjeve sipas tij nga ana e mazhorancës socialiste.
“Është hera e parë kudo në botë, që nga një proces zgjedhor dalin mbi 5 për qind të fletëve të votimit të pavlefshme. Nuk ka asnjë përllogaritje që mund ta bëjë këtë ndodhi të rastësishme. Ai 5 për qind varion nga 8 deri në 12 mandate, shifër që do të ndryshonte tërësisht rezultatin. Kemi video sesi numëruesit qëndronin me stilolaps në dorë. Aty, fletët e pavlefshme janë gjëja më e vlefshme për të kuptuar cilësinë e procesit…Në Shqipëri nuk hyri një Pablo Escobar, por dhjetëra Pablo, në Parlament dhe Bashki.”