Ajo u bë e njohur, akoma dhe më shumë për publikun, për ndarjen e saj nga këngëtari Zayn Malik. Prej kohësh vëmendja e mediave është në lidhjen e saj më të re me futbollistin e Arsenalit, Alex Oxlade-Chamberlain. Së fundi zërat flasin për një shtatëzani të mundshme të anëtares së grupit Little Mix, Perrie Eduards.
Pak kohë më parë u përfol se çifti u nda, por tashmë duket se janë rikthyer së bashku me arsye shumë të forta! Grupi i vajzave Little Mix fitoi çmimin e saj të parë në Brit Awards, mbrëmjen e të mërkurës , për këngën më të mirë britanike, por Perrie Edwards duket se ka lajme edhe më të mira se kaq.
Ajo po festonte me shumë elegancë dhe shumë provokim, ndërkohë që nxirrte këmbët e saj të gjata dhe shumë tërheqëse në fustanin e saj përvëlues, përkrah Alex Oxlade-Chamberlain. Një lajm i vërtetë, duke marrë parasysh që vetëm pak javë më pare, çifti u nda. Por edhe më bombastie është një tjetër detaj, që në pamje të parë nuk binte shumë në sy. Artistja britanike ka marrë një pozë të vërtetë prej nëne, duke mbajtur barkun me dorë në mënyrë simbolike. Kaq ka mjaftuar që të vërshojnë komentet në rrjetet sociale, duke e uruar nënën e ardhshme. Për konfirmimin e lajmit, na mbetet vetëm të presim.
